प्रदेशसभामा मन्त्री बनेर राम्रो काम गर्ने विचार छ : लामा

राज्य-राजनीति

गृहपृष्ठ
राज्य-राजनीति

प्रदेशसभामा मन्त्री बनेर राम्रो काम गर्ने विचार छ : लामा

ग्लोबल संवाददाता शुक्रबार, कात्तिक १८, २०७९

नुवाकोट । नेपाली कांग्रेसका केन्द्रीय सदस्य तथा नुवाकोट निर्वाचन क्षेत्र नम्बर २ (२) मा वाम-लोकतान्त्रिक गठबन्धनका उम्मेदवार बहादुरसिं लामाले आफू निर्वाचित भएपछि वाग्मती प्रदेशसभामा मन्त्री पाउने र त्यसपछि राम्रो काम गर्ने बताउनुभएको छ ।

मंसिर ४ गते हुने प्रतिनिधिसभा तथा प्रदेशसभा चुनावी भेटघाटकार्यक्रमअन्तर्गत शुक्रबार विदुर नगरपालिका ७ चाँपाबोट तुप्चेमा भएको कार्यक्रममा सम्बोधन गर्नुहुँदै लामाले प्रतिनिधिसभामा मन्त्री नपाउने र प्रदेशसभाको औचित्य साबित गर्न आफू उम्मेदवार बनेको पनि बताउनुभयो ।

'प्रदेशसभाको औचित्य दर्शाउन पनि म प्रदेशसभामा आएको हुँ । प्रदेशसभामा सानै भए पनि मन्त्री छानेर पाउँछु जस्तो लाग्यो । माथि बसेको भए सिनियर दाइहरु हुनुहुन्छ, मन्त्री नपाउने । तल आएर राम्रो काम गर्ने भन्ने विचार पनि छ । मन्त्री त पाइएला,' उहाँले भन्नुभयो । प्रदेशसभामा कांग्रेसबाट सिनियर नेता आफू नै रहने भन्नुहुँदै लामाले मुख्यमन्त्री पाउनसक्ने संकेत पनि गर्नुभयो ।

'प्रदेशसभामा नेपाली कांग्रेसबाट म सिनियर व्यक्तिमा पर्छु । दुई चोटी केन्द्रीय सदस्य भएको । मान्य पनि दुई चोटी भएँ । तपाईंहरुको पनि भाग्य । मेरो पनि भाग्य अरु ठूलो पनि पाउँछु कि ! त्यो पनि कोसिस गरौं । त्यो भविष्यको कुरो,' उहाँको भनाइ थियो ।

नुवाकोट प्रदेशसभा २ (२) क्षेत्रलाई नमुना बनाउने घोषणा पनि गर्नुभयो ।

प्रकाशित मिति: शुक्रबार, कात्तिक १८, २०७९ १०:३६

प्रतिक्रिया दिनुहोस्