तामाङ घेदुङका कार्यवाहक महासचिवको जन्मदिनमा भवन किन्न आर्थिक सहयोग

समाज-समावेशी

गृहपृष्ठ
समाज-समावेशी

तामाङ घेदुङका कार्यवाहक महासचिवको जन्मदिनमा भवन किन्न आर्थिक सहयोग

ग्लोबल संवाददाता मंगलबार, मंसिर २०, २०७९

काठमाडौं । नेपाल तामाङ घेदुङका कार्यवाहक महासचिव जगतमान लामा दोङले जन्मदिनको अवसरमा घेदुङको संघीय भवन खरिदका लागि आर्थिक सहयोग गर्नुभएको छ ।

संचार उद्यमीसमेत रहनुभएका दोङले सोमबार घेदुङको ग्रेन गे दिम (मुख्य कार्यालय) खरिदको लागि २५ हजार रुपैयाँ सहयोग राशि बैंक दाखिला गरेको घेदुङले जनाएको छ । उपमहासचिव दोङले तामाङ घेदुङको संघीय भवन खरिदका लागि आर्थिक संकलन अभियान घोषणा बेलामा पनि १ लाख १ हजार १०१ घोषणा गर्नुभएको थियो ।

लामो समयदेखि पत्रकारिता क्षेत्रमा सक्रिय दोङ इन्डिजिनियस कम्युनिटी रेडियो नेटवर्कका अध्यक्ष र इन्डिजिनियस टेलिभिजिनको प्रबन्ध निर्देशक हुनुहुन्छ ।

तामाङ समुदायको सर्वोच्च संस्था नेपाल तामाङ घेदुङको संघीय भवन (ग्रेन गे दिन) खरिदका लागि साउन २० गते काठमाडौं औपचारिक समारोहबीच आर्थिक संकलन अभियान सुरु भएको थियो । चुच्चे पार्टीको लाहुरेटोलमा सात आना जग्गामा रहेको ४ तले २८ कोठाको घर घेदुङद्वारा संचालित घेदुङ बहुउदेश्य सहकारी संस्था लिमिटेडको नाममा पास गरिएको थियो । सहकारीको नाममा रहेको भवन अब घेदुङले खरिद गर्नेछ । त्यसका लागि घेदुङले ६ करोड ७० लाख रकम उपलब्ध गराउनुपर्ने छ ।

औपचारिक कार्यक्रममै घेदुङको तर्फबाट वरिष्ठ उपाध्यक्ष रामकृष्ण ब्लोनले घेदुङ बुहुउद्देश्य सहकारी संस्थाका प्रतिनिधि तथा सहअध्यक्ष कुमारसिंह घिसिङलाई १८ लाख रुपैयाँको चेक हस्तान्तर गरेर बैनापट्टा गर्नुभएको छ । सहअध्यक्ष घिसिङको अध्यक्षता र वरिष्ठ उपाध्यक्ष रामकृष्ण ब्लोन सहसंयोजक रहेको आर्थिक संकलन समिति छ । सातै प्रदेश र ३ सयभन्दा धेरै स्थानीय तहमा घेदुङको शाखा रहेका छन् । यस्तै २४ वटा देशमा घेदुङको शाखा तथा तामाङसम्बन्धी संघ संस्था रहेका छन् । अहिले देश-विदेशबाट सहयोग स‌ंकलन जारी रहेको घेदुङले जनाएको छ ।

प्रकाशित मिति: मंगलबार, मंसिर २०, २०७९ ०७:०६

प्रतिक्रिया दिनुहोस्