प्रतिनिधिसभाका तीन तामाङसहित २६ सांसदले मातृभाषाामा शपथ लिनुहुने [नामावली]

राज्य-राजनीति

गृहपृष्ठ
राज्य-राजनीति

प्रतिनिधिसभाका तीन तामाङसहित २६ सांसदले मातृभाषाामा शपथ लिनुहुने [नामावली]

ग्लोबल संवाददाता बुधबार, पुस ६, २०७९

काठमाडौं । प्रतिनिधिसभाका तीन तामाङ सांसदले मातृभाषामा शपथ लिनुहुने भएको छ । नुवाकोट १ बाट निर्वाचित हितबहादुर तामाङ, काभ्रेपलाञ्चोक १ बाट निर्वाचित सूर्यमान तामाङ दोङ र समानुपातिकबाट काभ्रेकी मिना तामाङले 'तामाङ मातृभाषा' मा शपथ लिने तय भएको संघीय संसद् सचिवालयले जानकारी दिएको छ ।

उहाँहरुबाहेक अन्य २३ जनाले पनि विभिन्न मातृभाषामा शपथ ग्रहण गर्नेछन् । बिहीबार नयाँ बानेश्वरस्थित संसद् भवनमा दिउँसो १ बजे नवनिर्वाचित सांसदहरुलाई शपथ गराउने संघीय संसद् सचिवालयले जनाएको छ । शपथ जेष्ठ सदस्यको हैसियतले राप्रपाका नेता पशुपतिशमशेर जबराले खुवाउनुहुनेछ । उहाँले बुधबार नै राष्ट्रपति विद्यादेवी भण्डारीसमक्ष शपथ लिइसक्नुभएकोछ ।

कसले कुन भाषामा लिँदैछ शपथ ?

सराज अहमद फारुकी : उर्दु भाषा

हितबहादुर तामाङ : तामाङ भाषा

प्रदीप यादव : भोजपुरी भाषा

रुपा सोसी चौधरी : थारु भाषा

दुर्गा राई : कोइ/कोयू भाषा

रामसहाय प्रसाद यादव : भोजपुरी भाषा

रन्जु कुमारी झा : मैथली भाषा

कान्तिका सेजुवाल : नेपाली खस भाषा

अरुण कुमार चौधरी : थारु भाषा

गंगाराम चौधरी डगौरा : थारु भाषा

लालवीर चौधरी : थारु भाषा