दक्षिण कोरियाबाट ल्याएको उन्नत जातको गाई सिन्धुलीका कृषकलाई नि:शुल्क वितरण

कृषि-पर्यटन

गृहपृष्ठ
कृषि-पर्यटन

दक्षिण कोरियाबाट ल्याएको उन्नत जातको गाई सिन्धुलीका कृषकलाई नि:शुल्क वितरण

संगीता डिम्दोङ सोमबार, पुस ११, २०७९

सिन्धुली । दक्षिण कोरियाबाट प्लेन चार्टर गरेर ल्याएको उन्नत जातको होलेस्टेन गाई आइतबार सिन्धुलीको किसानलाई वितरण गरिएको छ । एक कार्यक्रम आयोजना गरि सिन्धुली कमलामाई नगरपालिका ५ कृषकहरूलाई उन्नतजातको गाई वितरण गरिएको हो ।

गत वर्ष कमलामाई नगरपालिका र हेफर इनटरनेश्नल बीच मिल्की परियोजना सञ्चालनमा भएको सम्झौता अनुसार प्लेन चार्टर मार्फत ल्याइएको ८१ वटा गाई र २० वटा गोरु कृषकलाई नि:शुल्क वितरण गरिएको हो ।

हेफर कोरियाको आर्थिक तथा प्राविधिक सहयोग तथा कमलामाई नगरपालिका र हेफर नेपालले गोठ निर्माणमा कृषकलाई २५÷२५ लाख सहयोग गरेको छ । कमलामाई नगरपालिकाका नगरप्रमुख उपेन्द्र पोखरेलको अध्यक्षता तथा संघीय सांसद लेखनाथ दाहालको प्रमुख आतिथ्यतामा राष्ट्रिय निर्देशक हेवन्लीको उपस्थितमा आइतबार एक औपचारिक कार्यक्रमका बिच कृषकलाई गाई हस्तान्तरण गरिएको हो ।

कमलामाई नगरपालिका–५ दमार, राजपानी, गैयाटारमा गत बर्ष हेफरले विपन्न १०९ जना किसानलाई समेटेर समूह बनाएको थियो । त्यही समूहका ५० जना किसानलाई उन्नत जातको होलेस्टेन गाईको निःशुल्क वितरण गरिएको हो ।

नेपालको कृषि प्रणाली परम्परागत र निर्वाहमुखी रहेको बताउनु भयो । जसले कृषकको स्तरोन्नति हुन नसक्ने बताउनु भयो । उहाँले भन्नुभयो “परम्परागत र निर्वाहमुखी कृषि प्रणाली बाट कृषकले व्यवसायिक गाई पाल्न सक्दैन । अब वडा नम्बर ५ का कृषकले अन्य व्यवसाय छोडेर गाई व्यवसाय मात्रै गर्नुपर्छ ।”

हेफर कोरियाका राष्ट्रिय निर्देशक हेवन्लीले नेपाललाई आफ्नो सन्तान भन्दा बढि माया गरेको गाई र गोरु छोडेर गएकाले गाईको हेरचाहमा कुनै कमी नगर्न अनुरोध गर्नुभयो । हेवन्लीले सिन्धुलीवासीलाई आफूले गरेको बाचा पुरा गरेको बताउनु भयो ।