कोभिड खोपको कमी हुन नदिन समन्वय केन्द्रलाई प्रधानमन्त्रीको निर्देशन

राज्य-राजनीति

गृहपृष्ठ
राज्य-राजनीति

कोभिड खोपको कमी हुन नदिन समन्वय केन्द्रलाई प्रधानमन्त्रीको निर्देशन

ग्लोबल संवाददाता बिहीबार, कात्तिक ११, २०७८

काठमाडौं– प्रधानमन्त्री शेरबहादुर देउवाले कोरोनाविरुद्धको खोपमा कमी नहुने गरी जुट्न कोभिड–१९ संकट व्यवस्थापन समन्वय केन्द्रलाई निर्देशन दिनुभएको छ ।

बिहीबार कोभिड–१९ संकट व्यवस्थापन समन्वय केन्द्रको पहिलो बैठकमा प्रधानमन्त्री देउवाले खोपको कमी हुन नदिन निर्देशन दिनुभएको हो ।

बैठकलाई सम्बोधन गर्नुहुर्दै प्रधानमन्त्रीले कोरोनाविरुद्धको खोप निःशुल्क लगाउने क्रम निरन्तर हुनुपर्ने भन्दै कमी भएमा दातासँग सहयोग माग्न, नभए आफैं खरिद गर्न आग्रह गर्नुभयो ।

बैठकमा मन्त्रालयले नेपालमा कोरोना संक्रमणको अवस्था, खोपको स्टक र पाइपलाइन बारे प्रस्तुती गरेको थियो। त्यस्तै कोरोना संक्रमणको जनशक्ति व्यवस्थापन र दरबन्दीलाई सुदृढ गर्ने बारे बैठक केन्द्रले प्रस्तुती गरेको थियो ।

स्वास्थ्य मन्त्रालयले करिब ३४ प्रतिशतले पहिलो र २२ प्रतिशत नागरिकले दुवै डोज खोप लगाएको जानकारी गराएको छ भने सरकारले असोज मसान्तसम्म एक तिहाइ जनसंख्यासम्मलाई खोप लगाउने लक्ष्य लिएको थियो त्यो करिब पूरा भएको मन्त्रालयले जनाएको छ ।

मन्त्रालयका अनुसार पछिल्लो चरणमा फाइजर १ लाख डोज आएको र पाइपलाइनमा मोडर्ना थप ४० लाख, फाइजर ४० लाख, चीनबाट थप ४० लाख भेरोसेल, माल्दिभ्सबाट २ लाख तथा क्यानडाबाट पनि थोरै मात्रमा आउने छ ।

चैत्र मसान्त सम्म सबै नेपालीलाई खोप लगाउँने सरकारको उदेश्य रहेको छ ।

प्रकाशित मिति: बिहीबार, कात्तिक ११, २०७८ १५:०१

प्रतिक्रिया दिनुहोस्