भारत भ्रमणमा रहनुभएका प्रधानमन्त्री प्रचण्ड राजघाटमा, महात्मागान्धीप्रति सम्मान

राज्य-राजनीति

गृहपृष्ठ
राज्य-राजनीति

भारत भ्रमणमा रहनुभएका प्रधानमन्त्री प्रचण्ड राजघाटमा, महात्मागान्धीप्रति सम्मान

रमेश लम्साल/रासस बिहीबार, जेठ १८, २०८०

नयाँदिल्ली । प्रधानमन्त्री पुष्पकमल दाहाल ‘प्रचण्ड’ नयाँदिल्लीस्थित राजघाट पुगेर महात्मागान्धीको समाधिस्थलमा पुष्पहार अर्पण गर्नुभएको छ ।

भारतमा मात्र नभई विश्वमै शान्ति र अहिंसाका प्रवर्तकका रुपमा परिचित गान्धीप्रति विशेष सम्मान प्रकट गर्न प्रधानमन्त्री प्रचण्ड त्यहाँ पुग्नुभएको हो । महात्मागान्धीलाई नेपालमा पनि उत्तिकै सम्मान गरिने भएकाले भारत भ्रमणमा पुग्ने नेपालका प्रधानमन्त्री गान्धीप्रति सम्मान प्रकट गर्न राजघाट पुग्ने गर्नुहुन्छ । भारत सरकारले राजघाटलाई पर्यटकीय क्षेत्रका रुपमा पनि विकास गरेको छ ।

राजघाटमा राखिएको पुस्तिकामा प्रधानमन्त्री दाहालले महात्मागान्धीलाई अहिंसाका प्रवर्तक एवं शान्ति र सत्याग्रहमार्फत स्वतन्त्र भारत निर्माण गरेका व्यक्तित्व भनी टिप्पणी गर्नुभएको छ । प्रधानमन्त्री प्रचण्ड नेपाली प्रतिनिधिमण्डलको नेतृत्व गर्दै बुधबार नयाँदिल्ली आइपुग्नुभएको हो । आजै उहाँले आफ्ना भारतीय समकक्षी नरेन्द्र मोदीसँग भेटवार्ता गर्ने कार्यक्रम रहेको छ ।

प्रकाशित मिति: बिहीबार, जेठ १८, २०८० ११:४३

प्रतिक्रिया दिनुहोस्