मलेसियाविरुद्ध पाँच खेलको सिरिज नेपालले जित्यो

युवा-खेलकुद

गृहपृष्ठ
युवा-खेलकुद

मलेसियाविरुद्ध पाँच खेलको सिरिज नेपालले जित्यो

ग्लोबल संवाददाता आइतबार, जेठ २१, २०८०

काठमाडौं । नेपालले मलेसियाविरुद्धको पाँच खेलको टी-ट्वान्टी महिला सिरिजको उपाधि जितेको छ । मलेसियाको वाइएसडी युकेएम ओभल क्रिकेट मैदानमा आज भएको खेलमा नेपालले घरेलु टोली मलेसियालाई ३ विकेटले पराजित गर्दै उपाधि जितेको हो । नेपालले पाँच खेलको सिरिज ३–२ ले आफ्नो पक्षमा पार्‍यो ।

मलेसियाले दिएको एक सय १० रनको लक्ष्य नेपालले १९ दशमलव २ ओभरमा ७ विकेट गुमाएर पूरा गर्‍यो । नेपालका लागि सीता रानामगरले सर्वाधिक ३७ बलमा ६ चौकाको मद्दतमा ३४ रनको योगदान दिनुभयो । त्यसैगरी कप्तान रुविना क्षेत्रीले ३० बलमा ३ चौकाको सहयोगमा २३ रन बनाउनुभयो ।
अप्सरी बेगम १५ रनमा अविजित रहँदा ज्योती पान्डेले ११ रन जोड्नुभयो ।

मलेसियाका लागि हमिजा हसिमले २ विकेट लिनुभयो । त्यसअघि टस हारेर पहिले ब्याटिङ गरेको मलेसियाले निर्धारित २० ओभरमा ५ विकेट गुमाएर एक सय ९ रन बनाएको थियो । मलेसियाका लागि वान जुलियाले ६० बलमा सर्वाधिक ४७ रन बनाइन् भने विनिफ्रेड दुराईसिङ्घमले २५ बलमा २४ रन जोड्न्नुभयो ।

त्यस्तै महिराह इज्जाती इस्माइलले ३१ बलमा २० रन बनाउँनुभयो । बलिङतर्फ नेपालकी कविता जोशीले दुई विकेट लिइन भने ईश्वरी विष्टले एक विकेट बनाउँनुभयो । यसअघि भएको पहिलो खेलमा नेपाल पाँच विकेटले पराजित भएको थियो भने दोस्रो खेलमा नेपालले मलेसियालाई सात विकेटले हराएको थियो । त्यसैगरी तेस्रो खेलमा नेपालले २७ रनले विजयी हुँदा चौथो खेलमा मलेसियाले नेपाललाई ६ विकेटले हराएको थियो ।

प्रकाशित मिति: आइतबार, जेठ २१, २०८० १५:५८

प्रतिक्रिया दिनुहोस्