अन्तर्राष्ट्रिय तामाङ परिषद्को कार्यकारीमा महासचिव रहने

समसामयिक-समाचार

गृहपृष्ठ
समसामयिक-समाचार

अन्तर्राष्ट्रिय तामाङ परिषद्को कार्यकारीमा महासचिव रहने

ग्लोबल संवाददाता आइतबार, जेठ २१, २०८०

काठमाडौं । विश्वभरका तामाङहरूको साझा संस्था अन्तर्राष्ट्रिय तामाङ परिषद्को पाँचौँ सम्मेलन सम्पन्न भएको छ । सम्मेलन मार्फत अध्यक्षमा चम्पाडोल्मा बोम्जन लामा चयन हुनुभएको छ ।

आइतबार थाइल्यान्डको हुहाईन सहरमा भएको सम्मेलनले संशोधित विधानलाई पारित गर्दै अब महासचिव कार्यकारी रहने ब्यवस्था गरिएको छ । सम्मेलन मार्फत पूर्ण कार्यकारी अधिकार सहितको महासचिवको व्यवस्था गरिएको हो ।

अध्यक्ष भने आयोजक संस्थाको अध्यक्षनै पदेन हैसियतमा रहने छ ।साथै सम्मेलनले १७ जनाको कार्यसमितिको संख्या घटाएर ७ मा झारेको छ । यस अघिको महाधिवेशनले पदाधिकारी सहित १७ जनाको कार्यसमिति बनाएको थियो भने थाइल्याण्डमा सम्पन्न पाँचौं सम्मेलनले पदाधिकारी सहित ७ सदस्यको परिषद् बनाएको छ ।

ठूलो सङ्ख्यामा कार्यसमिति हुँदा पनि कामकाजी हुन नसके पछि पदाधिकारी सहित ७ सदस्यको कार्यसमिति बनाएको नवनिर्वाचित महासचिव टाशी लामा तामाङले बताउनुभयो ।

प्रकाशित मिति: आइतबार, जेठ २१, २०८० २०:५६