क्यानाडामा यसरी मनाइयो विश्व आदिवासी दिवस [फोटो फिचर]

विश्व-प्रवास

गृहपृष्ठ
विश्व-प्रवास

क्यानाडामा यसरी मनाइयो विश्व आदिवासी दिवस [फोटो फिचर]

ग्लोबल संवाददाता सोमबार, भदौ ४, २०८०

क्यानाडा । नेपाली मूलका आदिवासी जनजातिहरूले क्यानाडामा २९ औं विश्व आदिवासी जनजाति दिवस मनाएका छन् । आइतबार टोरोन्टो शहर नजिकैको इरिन्डेल पार्कमा विविध सांस्कृतिक झाँकीसहित दिवस मनाएका हुन् ।

कार्यक्रममा तामाङ, मगर, किराँत, गुरुङ, थारू, नेवार, ह्योल्मोका साथै क्यानाडाका स्थानीय आदिवासी फस्ट नेसन समुदायले आ–आफ्नो झाँकी प्रस्तुत गरेका थिए । कार्यक्रममा प्रमुख अतिथि प्रान्तीय सांसद एमपीपी दीपक आनन्द लगायत विभिन्न संस्थाका प्रतिनिधिहरूले मन्तव्य राख्नुभएको थियो ।

आदिवासी जनजाति एशोसियसन क्यानाडाका सभापति बीर काजी गुरुङको सभापतित्वमा सम्पन्न कार्यक्रममा एआरएनए क्यानडाका अध्यक्ष माधव दुलाललगायत विशिष्ट व्यक्तिहरूको उपस्थिति रहेको थियो ।

कार्यक्रममा विभिन्न जातजातिका खाना परिकारसहित उपस्थितहरूका लागि खानाको व्यवस्था गरिएको थियो ।
विगत तीन वर्ष देखि खुल्ला रुपमा कार्यक्रम गर्दै आएको र आगामी दिनमा अझ व्यापक बनाउँदै लैजाने एशोसियसनका बोर्ड सदस्य कमल मान्बाले बताउनुभयो ।