इजरायल । नेपाल आदिवासी जनजाति महासंघ इजरायलको १२ औं वार्षिकोत्सव तथा साधारणसभा आगामी १४ जून २०२४ मा हुने भएको छ ।
संस्थाको वार्षिकोत्सव तथा साधारणसभा शुक्रबार १४ जुन (वि.स. २०८१ जेठ ३२ गते) मातालोन ,७७ तेल-अभिव इजरायल आयोजना हुने महासचिव रन्जना ग्याबक तामाङले जानकारी दिनुभयो । उहाँका अनुसार कार्यक्रमको समय साँझ ७ बजे तय भएको छ ।
'नेपाल आदिवासी जनजाति महासंघ इजरायलको १२ औं वार्षिकोत्सव तथा साधारणसभा निम्न मिति, समय र स्थानमा हुन गईरहेको यहाँहरु सम्पूर्णमा जानकारी गराउँदै इजरायलमा स्थापित विभिन्न राजनीतिक , धार्मिक, सामाजिक संघसंस्था / संगठनहरुका अध्यक्ष तथा पदाधिकारिज्युहरु , व्यक्ति व्यक्तित्वज्युहरु, बुद्धिजीवी महानुभावज्युहरु, मिडियाकर्मी ज्युहरु लगायत इजरायलमा रहनुभएका समस्त नेपाली दाजुभाई तथा दिदीबहिनिहरुमा गरिमामय उपस्थितिको लागि नेपाल आदिवासी जनजाती महासंघ, इजरायल परिवार हार्दिक निमन्त्रणा गर्दछ,' महासचिव रन्जनाद्वारा जारी विज्ञप्तिमा उल्लेख छ ।
जनजाति महासंघ इजरायल "विश्वका आदिवासी जनजाति एक हौं ! आफ्नो भेषभुषा, भाषा, लिपी, कला, संस्कृतिको संरक्षण र संवर्द्धन गरौं" भन्ने मूलनाराका साथ सन् २०१२ मा स्थापना भएको छ ।
