राजु स्याङ्तानको 'ओ पेङ्दोर्जे'लाई ४ लाख २ हजारको पहिचान पुरस्कार प्रदान

मनोरञ्जन-साहित्य

गृहपृष्ठ
मनोरञ्जन-साहित्य

राजु स्याङ्तानको 'ओ पेङ्दोर्जे'लाई ४ लाख २ हजारको पहिचान पुरस्कार प्रदान

ग्लोबल संवाददाता बुधबार, चैत ६, २०८१

काठमाडौं । नेपालकै सबैभन्दा धेरै धनराशिको 'पहिचान पुरस्कार' यस वर्ष कवि राजु स्याङ्तानको कवितासंग्रह 'ओ पेङ्दोर्जे'लाई प्रदान गरिएको छ ।

भोजपुरको चखियामा मंगलबार पहिचान पुरस्कार कोषले 'पहिचान पुरस्कार समर्पण समारोह' आयोजना गरी पुरस्कार प्रदान गरिएको हो । पुरस्कृत कवि स्याङ्तान छोराको उपचारका लागि भारतमा रहेकाले उनको प्रतिनिधित्व गर्दै कवि/प्राज्ञ चन्द रानाहोंछालाई प्रमुख अतिथि नेपाल प्रज्ञा प्रतिष्ठानका परिषद् सदस्य एवं मातृभाषा विभाग प्रमुख लेखक/कवि राजन मुकारुङ पुरस्कार हस्तान्तरण गर्नुभयो । पुरस्कारको राशि ४ लाख २ हजार रुपैयाँ रहेको छ ।

साहित्यकार सुमित्रा बाङ्देल 'चेली' र कवि/साहित्यकार कविता राईले पुरस्कृत कविता र कविको व्यक्तित्वबारे टिप्पणी गर्नुभएको थियो ।

कार्यक्रमको समापनपश्चात् विभिन्न स्थानबाट भेला भएका कविहरुले कविता वाचन गरेका थिए ।

प्रकाशित मिति: बुधबार, चैत ६, २०८१ ०९:१९

प्रतिक्रिया दिनुहोस्