काठमाडौं । सरकारले नेपाल विद्युत प्राधिकरणको कार्यकारी निर्देशकबाट कुलमान घिसिङलाई हटाएको विरोधमा काठमाडौं लगायत देशका विभिन्न स्थान प्रदर्शन गरिएको छ ।
विरोधमा प्रदर्नशन काठमाडौंको बानेश्वर, सिंहदरबार, जोरपाटी, मकवानपुर, रामेछाप,काभ्रेपलान्चोक,भक्तपुर, दोलखा धरान, विराटनगर लगायत देशका विभिन्न स्थानमा सरकार विरुद्ध प्रदर्शन गरिएको छ ।
आज सिंहदरबार गेटमा प्रदर्शन गर्ने केहीव्यक्तिलाई प्रहरीले पक्राउ गरेको छ भने बानेश्वरमा प्रदर्शन गर्ने सर्वसाधारण नागरिक र प्रहरी बीच सामान्य झडप भएको थियो ।
प्रदर्शनकारीहरूले निषेधित क्षेत्र तोड्न खोजेपछि प्रहरी र प्रदर्शनकारीबीच धकेलाधकेल भएको हो।
यस्तै माओवादी केन्द्र निकट विद्यार्थी संगठन अखिल क्रान्तिकारीले मंगलबार साँझ बागबजारमा राकेश जुलुश निकालेको छ ।
विद्युत प्राधिकरणको कार्यकारी निर्देशक कुलमान घिसिङलाई पदबाट बर्खास्त गरेको भन्दै अखिल क्रान्तिकारीले तत्काल पदमा फर्काउन माग गर्दै राँके जुलुश निकालेको हो ।
मन्त्रिपरिषदको सोमबारको बैठकले नेपाल विद्युत प्राधिकरणको कार्यकारी निर्देशकबाट कुलमान घिसिङलाई हटाएर उक्त पदमा हितेन्द्रदेव शाक्यलाई नियुक्त गरेको थियो।
यो निर्णयलाई लिएर सत्तारूढ नेपाली कांग्रेसकै कतिपय मन्त्री र नेताहरूले समेत विरोध गरेका छन् भने नेकपा (माओवादी केन्द्र) का अध्यक्ष पुष्पकमल दाहाल (प्रचण्ड), रास्वपा सभापति रवि लामिछाने, राप्रपा अध्यक्ष राजेन्द्र लिङ्देन लगायतले विरोध गरेका छन्।
