राजावादी शक्तिको षड्यन्त्रलाई जनताले परास्त गर्‍यो : प्रचण्ड

राज्य-राजनीति

गृहपृष्ठ
राज्य-राजनीति

राजावादी शक्तिको षड्यन्त्रलाई जनताले परास्त गर्‍यो : प्रचण्ड

ग्लोबल संवाददाता शनिबार, वैशाख २०, २०८२

काठमाडौं । नेकपा माओवादी केन्द्रका अध्यक्ष पुष्पकमल दाहालले राजावादी शक्तिको षड्यन्त्रलाई जनताले परास्त गरेको दाबी गर्नुभएको हो । शनिबार काठमाडौंमा आयोजित तामाङ मुक्ति मोर्चाको वाग्मती प्रदेश प्रथम अधिवेशनमा बोल्दै उहाँले माओवादी केन्द्रले गरेको जनप्रदर्शनले राजावादी शक्तिहरूको चलखेल र षड्यन्त्रमाथि ठूलो धक्का दिन सफल भएको जिकिर गर्नुभयो ।

‘हामी अभियानमा हुँदै गर्दा काठमाडौंमा जसरी राजावादीहरूको वितण्डा देखापर्न खोज्यो त्यसलाई एउटा जवाफ दिनैपर्छ भनेर अभियान रोकेर काठमाडौं आएर हामी सबैको सहभागितामा हामीले ठूलै धक्का दियौँ,’ प्रचण्डले भननुभयो, ‘राजावादी वितण्डा र प्रतिगामी षड्यन्त्रका विरुद्ध जनताको ठूलो तागत र हाम्रो पार्टी र समाजवादी मोर्चाको तागतद्वारा त्यसलाई परास्त गर्‍यौँ अहिलेलाई ।’

साथै अधिवेशनलाई सम्बोधन गर्दै अध्यक्ष प्रचण्डले जनतामा माओवादी केन्द्रप्रतिको विश्वास बढ्दै गएकोपनि बताउनुभएको छ । उहाँले सामाजिक सञ्जालमा पनि पार्टीप्रतिको लोकप्रियता बढेको बताउनुभयो ।
'सोसल मिडियामा पाँच सात महिना अघिसम्म हाम्रो हालत करिब करिब गए गुज्रेको थियो।अहिले हेर्दा हेर्दै साथीहरूले के(के गर्नुभयो। अब सोसल मिडियामा पनि एक नम्बरतिर उकालो लाग्दै छौं,उहाले भन्नुभयो देशैभरि सक्रियता बढेको छ। म खुशी छु।'

सबै कुरालाई हेरेर हामीले लिएको अठोट र संकल्प ०८४ मा हामी एक नम्बर भएरै छाड्ने र समाजवादी क्रान्तिको आधार तयार पार्ने बताउनुभयो । प्रतिगामी शक्तिहरूले पुनः चलखेल गर्नसक्ने भएकाले फेरि आन्दोलन गर्नुपर्ने आवश्यकता हुनसक्ने बताउँदै उहाले पार्टीमा आवद्ध विभिन्न जातीय तथा क्षेत्रीय संगठनहरूलाई शक्ति सञ्चय गर्न आग्रह गर्नुभयो। यथास्थितिवादी र प्रतिगमनकारी शक्तिहरूलाई संसद, सडक तथा जनताको माँझमा गएर माओवादी केन्द्रले खबरदारी गरिरहेको अध्यक्ष प्रचण्डको भनाइ थियो ।

प्रकाशित मिति: शनिबार, वैशाख २०, २०८२ २०:१९

प्रतिक्रिया दिनुहोस्