के- के विषय समावेश गरिएको छ त पुन: प्रकाशन तामाङ संस्करणमा

समाज-समावेशी

गृहपृष्ठ
समाज-समावेशी

के- के विषय समावेश गरिएको छ त पुन: प्रकाशन तामाङ संस्करणमा

ग्लोबल संवाददाता बुधबार, जेठ १, २०८२

काठमाडौं। तामाङ संस्कार र संस्कृति सम्बन्धी निर्देशिका पुन: प्रकाशन भएको छ । अन्तर्राष्ट्रिय तामाङ परिषद् (आइटीसी) ले पुन: प्रकाशन गरेको निर्देशिका हालै सार्वजनिक गरिएको हो । आइटीसीको सन् २००५ को सम्पन्न दोस्रो सम्मेलनले पहिलो तामाङ संस्कार- संस्कृति निर्देशिका प्रकाशित गरेको थियो ।

त्यसपछि सन् २०१३ मा सम्पन्न तेस्रो र २०१८ को मिरिक सम्मेलनबाट निर्देशिका पारित गरिएको थियो । पछिल्लो सुझावहरूलाई समेटेर निर्देशिका प्रकाशित गरिएको आइसीटीका महासचिव टासी लामाले बताउनुभयो । विश्वभर छरिएर रहेका तामाङहरूले संस्कार- संस्कृति सम्बन्धी जानकारी लिने र दैनिक संस्कार सहज बनाउन निर्देशिका पुन: प्रकाशन गरिएको लामाले बताउनुभयो ।

यस संस्करणमा जन्म संस्कार, कर्म संस्कार, मृत्यु संस्कार र विविधमा पोशाक मापदण्डदेखि स्वाँगे भाइका विषयसमेत समेटिएको छ । ३४ पृष्ठको यो निर्देशिकाको प्रकाशन सहयोगी तामाङ घेदुङ युकेका सल्लाहकार दावा ग्याम्जो स्याङ्बो रहनु भएको छ । निर्देशिका तामाङ भाषा र अङ्ग्रेजी भाषामा पनि प्रकाशनको तयारीमा रहेको आइटीसीले जनाएको छ ।

यसैगरी यससम्बन्धी डिजिटल सामग्रीसमेत प्रकाशनको तयारीमा रहेको र प्रकाशित निर्देशिका सम्बन्धी जानकारी, सचेतना जगाउन विश्वभरका सदस्य रहेको देशहरूमा गोष्ठी सञ्चालन गर्ने तयारी रहेको जनाएको छ ।

प्रकाशित मिति: बुधबार, वैशाख ३१, २०८२ १२:४५

प्रतिक्रिया दिनुहोस्