घाइते बालिकाहरूको उपचार खर्च विमला फाउण्डेसनले व्यहोर्ने

स्वास्थ्य-शिक्षा

गृहपृष्ठ
स्वास्थ्य-शिक्षा

घाइते बालिकाहरूको उपचार खर्च विमला फाउण्डेसनले व्यहोर्ने

ग्लोबल संवाददाता बुधबार, साउन २१, २०८२

सिन्धुली । गत साउन १६ गते रूख ढलेर गम्भीर घाइते भएका दुई बालिकाहरूको सम्पूर्ण उपचार खर्च विमला फाउण्डेसनले व्यहोर्ने भएको छ । विमला फाउण्डेसन नेपाल सिन्धुलीको सञ्चालक तथा हरिहरपुरगढीका अध्यक्ष वज्रध्वज वाइबाले अस्पतालमा पुगेर बिरामीको परिवार र अस्पताललाई जानकारी गराउँनु भएको हो ।

साथै उहाँले उपचारको लागि १ लाख ६ हजार रुपैयाँ नगद अस्पतालमा प्रदान गर्नुभएको थियो । संचाल वाइबा आफै अस्पताल पेर साउन २० सम्म भएको औषधी उपचारमा भएको खर्च प्रदान गर्नुभएको थियो ।

उहाँले घाइते बालिकाहरू अस्पतालमा बसुन्जेलको खर्च फाउण्डेसनले प्रदान गर्ने पनि प्रतिबद्धता जनाउनुभएको छ । त्यस्तै डाक्टरसँग बालिकाहरूको स्वास्थ्य अवस्थाको विषयमा जानकारी लिनुभएको थियो ।

घाइते बिरामीको परिवार आर्थिक रूपमा कमजोर रहेको बुझिएपछि फाउण्डेसनद्वारा उपचार खर्च व्यवस्थापन गरिने भएको हो ।
वडा नं १ बस्तिपुरमा गत शुक्रबार दिउँसो पानी परेपछि गोठमा ओत लाग्ने क्रममा सालको रूख ढल्दा ९ वर्षीया सार्की थिङ र १६

वर्षीया सन्ता गोलेको घटनास्थलमै मृत्यु भएको भने दुई जना बालिका घाईते भएका थिए । घाईते बालिकाहरूको हाल हेटौंडास्थित सहकारी अस्पताल, ट्रमा सेन्टरमा उपचार भईरहेको छ ।

प्रकाशित मिति: बुधबार, साउन २१, २०८२ २०:२७

प्रतिक्रिया दिनुहोस्