काठमाडौं । बागमती प्रदेशसभाकी पूर्वउपसभामुख एवं वर्तमान प्रदेशसभा सांसद राधिका तामाङ कतार पुग्नुभएको छ ।
नुवाकोट सेवा समाज कतारद्वारा आयोजना गरिएको हिन्दु नारीहरुको चाड हरितालिका तीज विशेष भेटघाट तथा अन्तरक्रिया कार्यक्रमको बिहीबार बिहान सांसद तामाङ कतार अवतरण हुनुभएको हो । नेकपा माओवादी केन्द्रकी नेतासमेत रहनुभएकी पूर्वकृषि राज्यमन्त्री तामाङलाई विमानस्थलमा नुवाकोट सेवा समाज कतारका पदाधिकारी, शुभचिन्तक र शुभेच्छुकहरुले स्वागत गर्नुभएको थियो ।
सांसद तामाङ बुधबार राति नेपाल एयरलाइन्सको उडानमार्फत दोहा प्रस्थान गर्नुभएको थियो । नेपालको त्रिभुवन अन्तर्राष्ट्रिय विमानस्थलमा माओवादी केन्द्र शिवपुरीका अध्यक्ष मिनबहादुर तामाङ, माओवादीबाट शिवपुरीमा निर्वाचित उपाध्यक्ष वीरबहादुर तामाङ, वडा नम्बर १ का अध्यक्ष सुकुराम तामाङ, स्वकीय सचिव सन्तोष राई, आफन्तलगायतले सांसद तामाङलाई बिदाइ गर्नुभएको थियो ।
सांसद राधिका तामाङ्लाई बिदाइ गरिँदै
कतारमा रहँदा उहाँले नुवाकोट सेवा समाज कतारले शुक्रबार १५ अगस्टमा वेलफेयर रेस्टुरेन्ट प्लाजा मलमा आयोजना गर्ने कार्यक्रममा प्रमुख आतिथ्यता ग्रहण गर्नुहुनेछ । कार्यक्रममा गायिकाहरु लक्ष्मी कार्की,सरला तामाङ, एलिसा राई, सुमित्रा भट्टराई, डान्सर सुनिता तामाङ, अन्जली मगर, शिवानी घले, सपना घलान, सुधा परियार, कमला तामाङ लगायतले प्रस्तुति दिनुहुनेछ ।
सांसद तामाङले कतारमा विभिन्न नेपाली संघ सस्थाहरुद्वारा आयोजित कार्यक्रमहरुमा सहभागी हुने तय भएको समेत स्वकीय सचिव सन्तोष राईले जानकारी गराउनुभएको छ ।
