सिन्धुली । हरिहरपुरगढी गाउँपालिकाले विभिन्न सञ्चारमाध्यममा प्रकाशित भएको समाचार प्रति गम्भीर ध्यानाकर्षण भएको जनाएको छ ।
पालिकाको आज बसेको बैठकले अङ्कपत्र डटकम र सिन्धुली सौगात पत्रिकामा गाउँपालिकाको विषयमा अनावश्यक कपोकल्पित समाचार सार्वजनिक गरेको भन्दै ध्यानाकर्षण भएको जनाएको हो । साथै पालिकाले तथ्य बिनाको भ्रामक समाचारको पछि नलाग्न गाउँवासीलाई विज्ञप्ति मार्फत आग्रह गरेको छ ।
‘ भदौं २ गते सङ्घीय मामिला तथा सामान्य प्रशासन मन्त्रालयको निर्णयअनुसार हरिहरपुरगढी गाउँपालिका सिन्धुलीमा गृहमन्त्रालय अन्तर्गत कार्यालयमा शाखा अधिकृतमा कार्यरत अजम्बर राईलाई यस गाउँपालिकामा कामकाजमा खटाइएको २ भदौ मा प्रशासन अनलाइन पत्रिकामा प्रकाशित समाचारबाट गाउँपालिका अध्यक्ष सहित सबै कार्यपालिका टिमलाई जानकारी भयो, त्यसपछि यस विषयमा कार्यलयमा छलफल चलिरहेकोमा ,भदौ ५ गते मन्त्रालयबाट खटाइए अनुसार हाजिर हुन आउने बारेमा अजम्बर राईको गाउँपालिका अध्यक्षसँग एक पटक फोनमा कुराकानी गर्नुभएको थियो । कार्यालयमा हाजिर हुन आउने दिनमा अध्यक्ष वडा नं ३ को महिला सदस्यको आमाको निधन भएको हुँदा, परिवारमा समवेदना दिएर फर्किदा उपाध्यक्षबाट राईलाई पालिकामा स्वागत गरिसकेको थाहा पाएपछि ,अध्यक्षको मानहानी, अपमान र गतल प्रचार हुने किसिमको सामान्य समन्वय बिनानै कार्यालयमा हाजिर भएको, अध्यक्षले कार्यालयमा हाजिर गर्न अवरोध गरेको, दर्ता कर्मचारी भगाएको, कर्मचारीलाई दबाब दिएको प्रवेशमा अवरोध गरेको, हाजिरी रजिस्टर लुकाएको जस्ता हल्ला फिजाई प्रकाशन भएको समाचारमा सत्यता छैन् ।’ पालिका द्धारा जारी विज्ञप्तिमा उल्लेख गरिएको छ ।
पालिकाका प्रवक्ता कमल कुमार राईद्धारा हस्ताक्षर गरिएको विज्ञप्तिमा स्थानीय सरकार संचालन ऐन २०७४ र प्रचलित कानूनमा रहेको व्यवस्थाबारे गाउँपालिका जानकार नै रहेको बताउदै , पालिकामा प्रशासनिक कार्य गर्न आउँनु भएको कर्मचारीले गाउँपालिका अध्यक्ष र कार्यरत नि. प्रमुख प्रशासकीय अधिकृतलाई बेवास्ता गरी अध्यक्षको मर्यादा अधिकार र गरिमाको ख्याल नगरी आफ्नै शैलीमा हाजिर भएको प्रशासकीय अधिकृतसँग जोडेर आएको समाचारमा सत्यता नभएको जनाएको छ ।
साथै सत्यतथ्य जानकारी बिनानै एकतर्फी समाचार प्रकाशन तथा नछाप्न सञ्चारमाध्यमलाई आग्रह गरिएको छ ।
त्यस्ता तथ्य नभएको भ्रामक समाचारको विश्वास नगर्न पालिकाले गाउँपालिकाबासीमा अनुरोध गरेको छ ।
विज्ञप्ति
