राष्ट्रसेवक कर्मचारीको तलब २१ प्रतिशतले वृद्धि

राज्य-राजनीति

गृहपृष्ठ
राज्य-राजनीति

राष्ट्रसेवक कर्मचारीको तलब २१ प्रतिशतले वृद्धि

ग्लोबल संवाददाता शुक्रबार, जेठ १५, २०८३

काठमाडौं । सरकारले राष्ट्रसेवक कर्मचारीको तलब वृद्धि गरेको छ । सङ्घीय संसद्को संयुक्त बैठकमा अर्थमन्त्री डा स्वर्णिम वाग्लेले आज आगामी आर्थिक वर्षको बजेट प्रस्तुत गर्दै हाल खाईपाई आएको पारिश्रमिकमा करिब २१ प्रतिशत खुद वृद्धि भई ग्रेडसहित न्यूनतम पारिश्रमिक ४० हजारदेखि एक लाखमाथि कायम हुनेगरी तलब वृद्धि गरेको बताउनुभयो ।

उहाँले भन्नुभयो, “कर्मचारीले हाल प्राप्त गरिरहेको महङ्गी भत्तालाई निरन्तरता दिँदै सुरु स्केलमा १० प्रतिशत तलब वृद्धि गरेको छु, कार्यसम्पादनमा आधारित पारिश्रमिक प्रणालीको सुरुआत गर्न नयाँ तलबमानको १० प्रतिशत मासिक प्रोत्साहन भत्ताको व्यवस्था गरेको छु ।”

पछिल्लो चार वर्षदेखि राष्ट्रसेवक कर्मचारीको तलब वृद्धि नभएको, यस अवधिमा उपभोक्ता मूल्य वृद्धि सचकाङ्कमा आधारित मूल्य वृद्धि १७.३ प्रतिशत भएको र मर्यादित जीवनयापनका लागि पारिश्रमिक सुविधा पुनस्र्थापना गर्नुपर्ने महसुस गरी तलब वृद्धि गरेको मन्त्री वाग्लेको भनाइ छ ।

प्रकाशित मिति: शुक्रबार, जेठ १५, २०८३ १८:१७

प्रतिक्रिया दिनुहोस्