कृषिको आधुनिकीकरणमा भरतपुर महानगरको जोड

कृषि-पर्यटन

गृहपृष्ठ
कृषि-पर्यटन

कृषिको आधुनिकीकरणमा भरतपुर महानगरको जोड किसानलाई दियो धान रोप्ने अत्याधुनिक मेसिन

ग्लोबल संवाददाता आइतबार, असार १३, २०७८

चितवन । भरतपुर महानगरपालिकाले धान रोप्ने अत्याधुनिक मेसिन (राईस टान्सप्लान्टर) किसानलाई हस्तान्तरण गरेको छ । महानगरपालिका प्रमुख रेनु दाहालले भरतपुर २६, दिव्यनगरमा एक कार्यक्रम गरि बृहश्पती आधुनिक एग्रो फर्मलाई सो मेसिन हस्तान्तरण गरिएको हो ।

प्रविधिको प्रयोगबाट कम लागतमा धेरै उत्पादन लिने गरी महानगरले चक्लाबन्दी गरी सामुहिक खेतीमा जोड दिएको छ । किसानलाई प्रविधिमार्फत कृषि कर्ममा अगाडि बढाउने र उत्पादन लागत घटाएर किसानले उचित लाभ लिन सकिने महानगर प्रमुख रेनु दाहालले बताइन् ।

भरतपुर महानगरपालिका कृषि तथा पशुपन्छि व्यवसाय प्रवद्र्धन शाखाले ५० प्रतिशत अनुदानमा उपलब्ध गराएको उक्त मेसिन हस्तान्तरण संगै मेयर दाहाल र उपमेयर पार्वती साह ठकुरीले मेसीन मार्फत खेतमा धान रोपेका थिए ।
२२ लाख ५० हजार मा खरिद गरीएको सो मेसीनले धान रोप्दा लागत आधा घट्ने बताईएको छ । मानिसको प्रयोग बाट १ बिगाहामा रोपाई गर्दा १५ हजार बढि खर्च हुने र मेसिन मार्फत रोपाई गर्दा ७ देखी ८ हजार भन्दा बढि लागत नपर्ने कृषिविज्ञ मित्रराज दवाडीले बताए ।

महानगर भित्रका किसानलाई कृषि उपकरणहरु वितरण गर्ने, कृषिमा अनुदान दिने देखि दुधमा अनुदान दिने कार्यक्रम महानगरले गरिरहेको छ ।

प्रकाशित मिति: आइतबार, असार १३, २०७८ ०९:१९

प्रतिक्रिया दिनुहोस्