भदौ २७ र २८ मा विधान महाधिवेशन गर्ने एमालेको निर्णय

राज्य-राजनीति

गृहपृष्ठ
राज्य-राजनीति

भदौ २७ र २८ मा विधान महाधिवेशन गर्ने एमालेको निर्णय असोज पहिलो हप्ताभित्र वडा र दोस्रो हप्ता पालिकास्तरीय अधिवेशन गर्ने

ग्लोबल संवाददाता आइतबार, साउन १७, २०७८

काठमाडौँ । नेकपा (एमाले) को आउँदो भदौ २७ र २८ गते विधान महाधिवेशन हुने भएको छ । आइतबार बसेको स्थायी कमिटी बैठकले पार्टीको विधान महाधिवेशनको मिति टुंगो लगाएको हो ।

बैठकले विधान महाधिवेशनमा प्रस्तुत गरिने राजनीतिक मस्यौदा तयार गर्न अध्यक्ष केपी ओलीको संयोजकत्वमा कार्यदल गठन गरेको प्रवक्ता प्रदीप ज्ञवालीले जारी गरेको विज्ञप्तिमा उल्लेख छ ।

यस्तै संगठनात्मक प्रस्तावको मस्यौदा तयार पार्ने जिम्मा महासचिव ईश्वर पोखरेललाई दिइएको छ भने संगठन विभाग प्रमुख विष्णुप्रसाद पौडेलको संयोजकत्वमा विधान संशोधन मस्यौदा कार्यदल र रामबहादुर थापाको संयोजकत्वमा विधान महाधिवेशन कार्यदल गठन गरिएको विज्ञप्तिमार्फत जनाइएको छ । साथै बैठकले दार्चुलाका जयसिंह धामी घटनाको सत्यतथ्य नेपाल जनतासामु प्रस्तुत गर्न सरकारसँग माग गरेको एमालेले जनाएको छ ।

प्रकाशित मिति: आइतबार, साउन १७, २०७८ २१:११

प्रतिक्रिया दिनुहोस्