लिखु ६ का वडाध्यक्ष उम्मेदवार भण्डारीका ६ संकल्प

राज्य-राजनीति

गृहपृष्ठ
राज्य-राजनीति

लिखु ६ का वडाध्यक्ष उम्मेदवार भण्डारीका ६ संकल्प

ग्लोबल संवाददाता सोमबार, वैशाख १९, २०७९

नुवाकोटको लिखु गाउँपालिका छ नम्बर वडा अध्यक्षका उम्मेदवार सुमन भण्डारीले आफ्ना छ वटा संकल्प सार्वजनिक गर्नुभएको छ । माओवादी केन्द्रबाट वडा अध्यक्षका उम्मेदवार बन्नु भएका युवा नेता भण्डारीले भ्रष्टाचारमुक्त वडा बनाउने पहिलो संकल्प गर्नुभएको छ ।

त्यसैगरी स्वास्थ्य, शिक्षा, खेलकुद, कृषि र सामाजिक सुरक्षाको व्यवस्थासहित प्रत्यक घरमा खानेपानीको धारा व्यस्था गर्ने भण्डारीको संकल्प रहेको छ । वडाका संभावित ठाउँलाई पर्यटकीय हब बनाई सडक र पूर्वाधार विकास गर्ने, सांस्कृतिक सम्पदा, लोपोन्मुख सम्पति र सभ्यताको विकास गर्ने, नागरिकमैत्री सेवा र सुशासन कायम गर्ने उहाँको संकल्प रहेका छन् ।

त्यस्तै, युवालाई सबल बनाउने, महिलालाई स्वावलम्बी बनाउने र पुरै समाजलाई सिर्जनशील बनाउने युवा नेता भण्डारीले आफ्ना संकल्पमा उल्लेख गर्नुभएको छ ।

गत स्थानीय निर्वाचनमा पनि वडा अध्यक्षको उम्मेदवार बन्नुभएका भण्डारी कांग्रेस उम्मेदवारसंग पराजित हुनुभएको थियो । चुनावमा पराजित भएता पनि राजनीति र सामाजिक सेवा कार्यमा निरन्तर क्रियाशील भण्डारी यस पटक जीत हासिल गर्ने विश्वासका साथ चुनावी अभियानमा होमिनुभएको छ । केही समय अगाडि मात्र उहाँको नेतृत्वमा सयौं गाउँबासीहरुको श्रमदान र आर्थिक संकलनमा मरणपाटी निर्माण सम्पन्न भएको थियो ।

प्रकाशित मिति: सोमबार, वैशाख १९, २०७९ ०९:५४