काठमाडौँ । नेकपा एकीकृत समाजवादी का सांसद जीवनराम श्रेष्ठले काम नै नसकिएको धरहराको उद्घाटन गरिए पनि हालसम्म सञ्चालनमा आउन नसकोमा टिप्पणी गर्नुभएको छ ।
प्रतिनिधिसभाको आजको बैठकमा आगामी आर्थिक वर्षको विनियोजन विधेयकको प्राथमिकता र सिद्धान्तका बारेमा आफ्नो धारणा राख्दै उहाँले काम नै नसकिएका आयोजना सम्पन्न भयो भनेर शुभारम्भ गर्ने प्रवृत्तिका कारण हालसम्म पनि समस्या खडा भएको बताउनुभयो ।
“आफ्नो बेलामा उधुम नै ग¥यौँ भनेर केही माननीयज्यूहरूले धारणा राखेको देखियो । तर, वास्तविकता त्यस्तो छैन, धरहराको छेउमा चियापसल गर्नेले उद्घाटनपछि के पायो भनेर हेर्नुपर्छ कि पर्दैन रु” उहाँले भन्नुभयो ।
जनता समाजवादी पार्टीका सांसद प्रमोद साहले कृषि क्षेत्रमा गएको अनुदान वास्तविक किसानले पाउन नसकेकामा गुनासो गर्नुभयो । उहाँले राष्ट्रिय गौरवका आयोजनालाई प्राथमिकता दिइएको बताइए पनि खास अर्थमा ती आयोजनाले प्राथमिकता पाउन नसकेको र आवश्यकतानुसार बजेट विनियोजन हुन नसकेको बताउनुभयो ।
राष्ट्रिय जनमोर्चाका सांसद दुर्गा पौडेलले आत्मनिर्भर अर्थतन्त्रको विकास गर्ने अर्थतन्त्र निर्माण गर्ने गरी बजेटको प्रबन्ध गर्न र विदेशमा रहेका नेपाली नागरिकलाई मतदानमा भाग लिन पाउने व्यवस्था गर्न माग गर्नुभयो । नेपाल मजदुर किसान पार्टीका सांसद प्रेम सुवालले अमेरिकी सहयोग परियोजना एमसिसी ठिक नभएको तर्क गर्नुभयो ।
नेकपा ९एमाले०का सांसद विद्या भट्टराईले चालु आवको १० महिनामा रु १५ खर्बको आयात हुँदा निर्यात त्यसअनुरुप हुन नसकेको तथ्य पेश गर्दै निर्भरतामुखी अर्थतन्त्रलाई आत्मनिर्भर बनाउनुपर्ने बताउनुभयो ।
उहाँले उद्यमशीलताका क्षेत्रहरूलाई सरकारले प्राथमिकतामा राख्नुपर्ने, स्वास्थ्यमा लगानी गरी नागरिकको मौलिक हकको कार्यान्वयन गर्नुपर्ने धारणा राख्नुभयो । लोकतान्त्रिक समाजवादी पार्टीका सांसद एकवाल मियाँले चुरेको संरक्षण गर्न तथा समानुपातिक बजेटको प्रबन्ध गर्न तथा विकास निर्माणको कामलाई प्रभावकारी बनाउने गरी नीतिगत व्यवस्था गर्नुपर्ने बताउनुभयो ।
नेपाली कांग्रेसका सांसद दिव्यमणि राजभण्डारीले जलाशयुक्त आयोजनाको विकास गर्न नसकिएकाले आवश्यक परेको बेलामा ऊर्जाको सङ्कट पर्ने भएकाले यसमा विशेष ध्यान दिन सरकारको ध्यानाकर्षण गराउनुभयो ।
![माओवादी केन्द्र वाग्मतीले बुझायो मुख्यमन्त्री लामालाई ८ बुँदे माग, के-के [विज्ञप्तिसहित]](https://mail.globlemedia.com/uploads/posts/250X250/Messenger_creation_92279BFA-C353-4D57-830B-110B69ED5256-1731494533.jpeg)
