संघीय सरकारकाे बजेट आज : वृद्धभत्ता ६८ वर्षदेखि दिने तयारी

अर्थ-वाणिज्य

गृहपृष्ठ
अर्थ-वाणिज्य

संघीय सरकारकाे बजेट आज : वृद्धभत्ता ६८ वर्षदेखि दिने तयारी

ग्लोबल संवाददाता आइतबार, जेठ १५, २०७९

काठमाडौं । सरकारले आर्थिक वर्ष २०७९/८० को बजेट आज सार्वजनिक गर्दै छ । अपराह्न चार बजे बस्ने संघीय संसदको बैठकमा अर्थमन्त्री जनार्दन शर्माले आय-व्ययको विवरण प्रस्तुत गर्नु हुनेछ ।

आर्थिक वर्ष ०७९/०८० का लागि सरकारले आन्तरिक उत्पादनमा जोड दिने गरी बजेट ल्याउन लागेको छ। राष्ट्रिय योजना आयोगले १७ खर्ब, ४५ अर्बको बजेट सीमा निर्धारण गरेको छ। यो सीमाभित्रै रहेर बजेट ल्याउने सरकारको तयारी छ।

संविधानमै १५ जेठमा नयाँ आर्थिक वर्षको बजेट सार्वजनिक गर्ने व्यवस्था रहेको छ । वृद्धभत्ता पाउने उमेर पनि घटाउने गरी बजेट तयार पारेको स्रोतको दाबी छ ।

प्रधानमन्त्री शेरबहादुर देउवाले वृद्धभत्ता पाउने उमेरलाई ७० वर्षबाट घटाएर ६५ वर्ष बनाउने प्रस्ताव यसअघि नै अघि सार्नुभएको थियो । तर बजेटमा ६५ नभई ६८ वर्ष उमेर पूरा भएकालाई वृद्ध भत्ता दिने गरी तयारी भएको बुझिएको छ ।

०५१ मा सय रुपैयाँबाट वृद्धभत्ताको सुरुवात गरिएको थियो । अहिले मासिक ४ हजारका दरले दिने गरिएकाे छ ।

प्रकाशित मिति: आइतबार, जेठ १५, २०७९ ०७:५४

प्रतिक्रिया दिनुहोस्