आवश्यक पर्‍यो भने अर्थमन्त्रीमाथि पार्टीले पनि छानबिन गर्छ : सांसद तामाङ

राज्य-राजनीति

गृहपृष्ठ
राज्य-राजनीति

आवश्यक पर्‍यो भने अर्थमन्त्रीमाथि पार्टीले पनि छानबिन गर्छ : सांसद तामाङ

ग्लोबल संवाददाता मंगलबार, जेठ ३१, २०७९

काठमाडौं । प्रतिनिधिसभाका सांसद एवं नेकपा माओवादी केन्द्रका नेता हितबहादुर तामाङले आवश्यक पर्‍यो भने अर्थमन्त्री जनार्दन शर्मामाथि जोडिएका विषयमा पार्टीले छानबिन गर्ने बताउनुभएको छ ।

एक टेलिभिजनलाई अन्तर्वार्ता दिनुहुँदै तामाङले मंगलबार अर्थमन्त्री भनेको व्यक्तिमात्रै नभएर पार्टीको प्रश्नसँग पनि जोडिने भएकोले छानबिन हुने बताउनुभएको हो । 'आवश्यक पर्‍यो भने पार्टीले पनि छानबिन गर्छ । जनार्दन शर्मा अर्थमन्त्री भनेको व्यक्तिमात्रै होइन । पार्टीको नेता पनि हो । उनको क्रियाकलापसँग पार्टीको प्रश्न पनि जोडिएको हुन्छ । यसबारे म यत्ति नै भन्छु,' उहाँले भन्नुभयो ।

आर्थिक वर्ष २०७९/०८० को बजेट निर्माणका क्रममा अर्थमन्त्री शर्माले जेठ १४ गते राति असम्बन्धित मान्छेलाई अर्थ मन्त्रालय प्रवेश गराएर करको दर चलाउन दिएको भन्दै समाचार प्रकाशन भएपछि विवादमा तानिएको छ । जस कारण प्रमुख प्रतिपक्षी दल नेकपा एमालेले यसबारे अर्थमन्त्री शर्माले संसदलाई सत्यतथ्य जवाफ दिन माग गरेको छ । तर एमालेले एकाध मिडियामा आएका समाचारको भरमा सार्वभौम सम्पन्न प्रतिनिधिसभामा अर्थमन्त्री शर्माको विषयमा अस्वाभाविक ढंगले कुरा गलत रहेको तामाङको भनाइ थियो ।

'हिजो सोमबार एउटा पत्रिकामा प्रकाशित समाचारको विषयलाई लिएर प्रमुख प्रतिपक्षी दल एमालेका सांसदहरुले पनि संसद्‌ कुरा उठाउनुभयो । त्यो त्यत्ति भरपर्दो आधारको कुरा हो जस्तो लाग्दैन । कुनै एउटा पत्रकारले कुनै एउटा मिडियामा लेखेको विषयलाई आधार बनाएर संसद्‌जस्तो सार्वभौमसत्ता र मुलुकको सर्वोच्च निकायमा जुन स्तरबार ती कुराहरु राख्ने काम भयो । त्यो कुरा ठीक होइन ।'

यस्तै इम्बोस्ड नम्बरको विषयमा यातायात मन्त्रीको अपरिपक्व निर्णयले विवाद उत्पन्न भएको भन्दै पूर्वमन्त्री तामाङले त्यस विषयमा पुनर्विचार हुनुपर्ने बताउनुभयो ।

प्रकाशित मिति: मंगलबार, जेठ ३१, २०७९ १२:१८

प्रतिक्रिया दिनुहोस्