कांग्रेस पदाधिकारी बैठक आज दिउँसाे बस्दै, यस्ता छन् एजेण्डा

राज्य-राजनीति

गृहपृष्ठ
राज्य-राजनीति

कांग्रेस पदाधिकारी बैठक आज दिउँसाे बस्दै, यस्ता छन् एजेण्डा

ग्लोबल संवाददाता आइतबार, असार २६, २०७९

काठमाडौं । नेपाली कांग्रेसका सभापति एवम् प्रधानमन्त्री शेरबहादुर देउवाले पार्टीको पदाधिकारी बैठक बोलाउनुभएकाे छ ।बैठकमा सभापति देउवासहित उपसभापति, महामन्त्री र सहमहामन्त्रीहरु सहभागी हुनुहुनेछ ।

सोमबार बस्ने केन्द्रीय समितिको बैठकको तयारीका सन्दर्भमा छलफल गर्न सभापति देउवाले आइतबार दिउँसो १ बजे बस्ने गरी पदाधिकारी बैठक बोलाउनुभएकाे हाे ।

सानेपास्थित केन्द्रीय कार्यालयमा बस्ने बैठकमा केन्द्रीय कार्यसमितिका प्रस्ताव तय गर्ने र ती विषयमा पदाधिकारी तहमा सहमति जुटाउने प्रयास हुने जनाइएकाे छ ।

स्थानीय तह चुनावको समीक्षा गर्न कांग्रेसले सोमबार दिउँसो १ बजे केन्द्रीय कार्यसमिति बैठक राखेकाे छ । बैठकमा भ्रातृ तथा शुभेच्छुक संस्थाको विधान पारित गर्ने तथा नयाँ संस्थाहरूलाई मान्यता प्रदान गर्ने एजेन्डासमेत छ ।

प्रकाशित मिति: आइतबार, असार २६, २०७९ ०७:४०

प्रतिक्रिया दिनुहोस्