सेयर बजारमा १६१.९४ अंकको वृद्धि

अर्थ-वाणिज्य

गृहपृष्ठ
अर्थ-वाणिज्य

सेयर बजारमा १६१.९४ अंकको वृद्धि

ग्लोबल संवाददाता सोमबार, भदौ २१, २०७८

काठमाडौं । सोमबार साताको दोस्रो कारोबारको दिन सेयर बजारमा उछाल आएको छ । आईतबार पाँच प्रतिशतभन्दा धेरैले नकारात्मक सर्किट लागेको पुँजी बजारमा सोमबार १६१.९४ अंकको सुधार भएको हो । सोमबारको बजार दुई हजार ९९०.७८ को विन्दुमा पुगेर बन्द भएको छ । यस्तै २२४ कम्पनीको १७ करोड ९ लाख २२ हजार कित्ता सेयर किनबेच हुँदा ९ अर्ब ८२ करोड ६२ लाख २२ हजार ८०७ रुपैयाँ बराबरको कारोबार भएको छ ।

सोमबार आज सबैभन्दा धेरै कारोबार गर्नेमा अरुण भ्याली हाइड्रोपावर कम्पनी रहको छ । जसको ४६ करोड तीन लाख ९१ हजार ४५६ रुपैयाँको कारोबार भएको छ । त्यस्तै, दोस्रो धेरै कारोबार गर्नेमा हिमालय डेयिटलरी कम्पनी रहेको छ । जसको कारोबार २६ करोड ८८ लाख ९६ हजार ३१३ रुपैयाँको भएको छ ।

यता, सेयर बजारमा भने वृद्धि हुने क्रम जारी छ । सोमबार सबै समूहका सूचांकहरुमा हरियाली छाएको छ । विकास बैंक, हाइड्रोपावर, फाइनान्स समूहका उप–सूचांकहरुमा ९ प्रतिशतभन्दा धेरैको सुधार भएको छ भने अन्य समूहको उपसूचांकमा ८ प्रतिशत भन्दा धेरैको सुधार भएको छ । त्यस्तै म्यूचल फण्ड समूहको सूचकमा एक प्रतिशतभन्दा बढीको मात्र सुधार आएको छ भने बाँकी सबै समूहको उप–सूचांकमा तीनदेखि पाँच प्रतिशत सम्मको मात्र सुधार भएको छ ।

सोमबार सबैभन्दा धेरै नाफा कमाउनेमा पञ्चकन्या माई हाइड्रोपावरका लगानीकर्ता रहेका छन् । हाइड्रोपावरमा १० प्रतिशतको वृद्धि भएको छ । त्यस्तै, सोमबारनै घाटा व्यहोर्नेमा नेपाल इन्भेष्टमेन्ट डिभेन्चकर २०८२ का लगानीकर्ता रहेका छन् । कम्पनी –१.९४ अंकले घाटामा गएको छ ।

सेयर लगानीकर्ताहरुले राष्ट्र बैंकका गभर्नर महाप्रसाद अधिकारीको राजीनामा माग गर्दै प्रदर्शन गरेका छन् । लगानीकर्ता रामकृष्ण ढकालको संयोजकत्वको पुँजी बजार सुधार संघर्ष समितिले गभर्नरको राजीनामा गर्दै बालुवाटारस्थित राष्ट्र बैंक घेराउ गरेका छन् । पुतलीसडकबाट बाइक जुलुससहित लगानीकर्ता राष्ट्र बैंक पुगेका थिए ।

संघर्ष समितिले गभर्नरको राजीनामालाई मुख्य मागको रुपमा राख्दै विभिन्न १५ बुँदे माग राखेको छ । समितिले केन्द्रीय बैंकले मौद्रिक नीतिमार्फत ल्याएको मार्जिन कर्जामा १२ करोडको सीमा हट्नुपर्ने, लघुवित्त कम्पनीहरुले वितरण गर्ने लाभांशमा लगाइएको क्याप हटाउनुपर्ने, प्रोभिजनिङ्कको व्यवस्था परिमार्जन गर्नुपर्नेलगायतका माग अघि राखेको जनाएको छ ।
लगानीकर्ताको प्रदर्शनपछि अर्थमन्त्री जनार्दन शर्माले राष्ट्र बैंकका गभर्नर अधिकारीलाई शेयर बजारमा देखिएको समस्या समाधान गर्न निर्देशन दिनुभएपछि उकालो लागेको हो ।
न्युज कारखाना

प्रकाशित मिति: सोमबार, भदौ २१, २०७८ १६:२६

प्रतिक्रिया दिनुहोस्