मेयर बालेनको समर्थनमा पूर्वमन्त्री झाँक्री : 'अब उपत्यकाका नदी किनारका अतिक्रमण हटाऔं'

राज्य-राजनीति

गृहपृष्ठ
राज्य-राजनीति

मेयर बालेनको समर्थनमा पूर्वमन्त्री झाँक्री : 'अब उपत्यकाका नदी किनारका अतिक्रमण हटाऔं'

ग्लोबल संवाददाता शुक्रबार, भदौ १०, २०७९

काठमाडौं । पूर्वमन्त्री एवं नेकपा एकीकृत समाजवादीकी नेता रामकुमारी झाँक्रीले काठमाडौं महानगरपालिकाका मेयरले अवैध संरचना हटाउन थालिएको अभियानमा आफ्नो समर्थन रहेको बताउनुभएको छ ।

शुक्रबार सामाजिक सञ्जाल फेसबुकमा धारणा सार्वजनिक गर्नुहुँदै उहाँले अब उपत्यकाका नदी किनारका अतिक्रमण हटाउन मेयर शाहलाई सुझाव दिनुभएको छ । मेयर शाहको निर्देशमा महानगरले सुन्धारास्थित काठमाण्डू मल र नयाँ बानेश्वरस्थित अल्फाबिटा कम्प्लेक्सको अवैध संरचना हटाएको छ । मेयर शाहको यो कदमले राजनीतिक दलका केही नेता र एकाध व्यक्तिले विरोध गरे पनि प्राय:ले समर्थन जनाएका छन् ।

नेता झाँक्रीले आफू सहरी विकासमन्त्री रहँदा वाग्मती करिडोरका ४१ वटा अतिक्रमित संरचना हटाइएको उल्लेख गर्नुहुँदै चुनाव र पदबाट बाहिरिनु परेकोले योजना कार्यान्वयन गर्न नसकेको पनि जनाउनुभएको छ । उहाँले आफूलाई जस्तो दलीय दबाब नभएकोले मेयर शाहलाई अघि बढ्न आग्रह समेत गर्नुभएको छ ।

पूर्वमन्त्री झाँक्रीको स्टाटस्
मेरो समर्थन मेयर बालेन जीलाई !
१) यसपछि अब पालो हुनेछ उपत्यकाका नदी किनारका अतिक्रमण हटाउने।
२) मैले बागमति करीडोरका ४१ वटा अतिक्रमित संरचना हटाएईसकेको थिएँ।
३)निर्वाचन आएकोछ यसले नगरौ भन्ने दवाव आयो र स्थगन गर्न पर्यो।
४)स्थानीय चुनावपछि २०७९ जेठ २ गतेबाट फेरी हटाउन सुरू भएको थियो।
५)मेरो कार्यकाल लामो रहेन।मेयर बालेनजी र मैले केही योजना बनाएका थियौं।
६)सुरुम्वासीको नाममा अतिक्रमण भएका स्थानहरूलाई खाली गर्ने कामको पनि केही योजना बनेको छ ।
७)मलाई जस्तो दलिय दवाव मेयर बालेन जीलाई हुँदैन।
८)I am always with you, behind you. keep it up.
९) ईमान्दार प्रयासहरू सफल हुन्छन् ।