ककनीको दुई दिने स्वास्थ्य शिविरमा ४ सय नागरिकले लिए सेवा

स्वास्थ्य-शिक्षा

गृहपृष्ठ
स्वास्थ्य-शिक्षा

ककनीको दुई दिने स्वास्थ्य शिविरमा ४ सय नागरिकले लिए सेवा

ग्लोबल संवाददाता मंगलबार, भदौ २८, २०७९

नुवाकोट । नुवाकोटको ककनी गाउँपालिका ७ नम्बर वार्डमा दुई दिने पब्लिक हेल्थ क्याम्प सम्पन्न भएको छ । सोमबार र मंगलबार चलेको हेल्थ क्याम्पबाट ४ सय नागरिकको स्वास्थ्य परीक्षण गरिएको सात नम्बरका वडाध्यक्ष रामकृष्ण तामाङले ग्लोबल मिडियालाई बताउनुभयो ।

यस्तै क्याम्पसमा ४ सयमध्येका ३ सय ३३ जनाको दन्त परीक्षण पनि गरिएको थियो । सोमबारबाट सुरु भएको हेल्थ क्याम्पसमा जनरल फिजिसियन सम्बन्धी सबै प्रकारको स्वास्थ्य परीक्षण गर्नुका साथै नि:शुल्क औषधि पनि वितरण गरिएको थियो । वार्ड कार्यालयको व्यवस्थापन, मद्दत नेपाल र नेपाल—अष्ट्रेलिया नेपसको सहयोगमा हेल्थ क्याम्प आयोजना गरिएको हो ।

दन्त चिकित्सक र जनरल फिजिसियन तथा स्वास्थ्यकर्मी गरी १० जनाले दुई दिने स्वास्थ्य शिविरमा नागरिकलाई सेवा प्रदान गरेका थिए । शिविरमा सुगर, पेसर, ज्वरो, डेंगु पनि परीक्षण गरिएको अध्यक्ष तामाङले बताउनुभयो । स्वास्थ्य सेवाको पहुँच नपुगेको नागरिकका लागि नि: शुल्क स्वास्थ्य सेवा प्रदान गर्नुका साथै ४३० जनालाई औषधि पनि वितरण गरिएको थियो ।

वडाध्यक्ष तामाङका अनुसार पुर्जा भएका बिरामीलाई बिनास्वास्थ्य परीक्षण औषधि वितरण गर्नुका साथै शिविरमा कपूर, निम, तेजपत्ताको र धुपीलगायत बिरुवा पनि रोपिएको थियो । वडाको स्वास्थ्य सेवाप्रति परीक्षणमा आउने नागरिकले प्रशंसनीय कार्य भन्दै धन्यवाद व्यक्त गरेका थिए ।