पहिरोले घर पुरिँदा हुम्लामा चारको मृत्यु

समसामयिक-समाचार

गृहपृष्ठ
समसामयिक-समाचार

पहिरोले घर पुरिँदा हुम्लामा चारको मृत्यु

ग्लोबल संवाददाता सोमबार, असोज २४, २०७९

रासस,हुम्ला । चखेली गाउँपालिका–६ मेल्छाममा पहिरोले घर पुरिँदा चार जनाको मृत्यु भएको छ । कर्णाली प्रदेश प्रहरी कार्यालय सुर्खेतका अनुसार आइतबार राति स्थानीय मानविर विकको घरमाथिबाट पहिरो खसेर घर भत्किँदा चार जनाको मृत्यु हुनुका साथै पाँच जना घाइते भएका छन् । घाइते पाँच जनाको आज बिहान जीवितै उद्धार गरिएको थियो ।

घाइतेमध्ये दुई जनाको अवस्था गम्भीर रहेको छ । प्रदेश प्रहरी प्रवक्ता प्रहरी वरिष्ठ उपरीक्षक माधवप्रसाद श्रेष्ठले गम्भीर घाइतेलाई उपचारका लागि नेपालगञ्ज लैजान नेपाली सेनाको हेलिकप्टर तयारी अवस्थामा राखिए पनि खराब मौसमका कारण उड्न नसकेको जानकारी दिनुभयो ।

प्रहरीका अनुसार पहिरामै पुरिएर मृत्यु हुनेमा मेल्छाम गाउँका ६० वर्षीया तुल्सा, सात वर्षीया वसन्ता, नौ वर्षीया सुस्मिता र १२ वर्षीया हैजाली कामी छन् ।

प्रकाशित मिति: सोमबार, असोज २४, २०७९ १८:३६

प्रतिक्रिया दिनुहोस्