रुडेक नेपालद्वारा पञ्चकन्या जिल्लाव्यापी क्रसकन्ट्री दौड प्रतियोगितामा २५ हजार प्रायोजन

युवा-खेलकुद

गृहपृष्ठ
युवा-खेलकुद

रुडेक नेपालद्वारा पञ्चकन्या जिल्लाव्यापी क्रसकन्ट्री दौड प्रतियोगितामा २५ हजार प्रायोजन

ग्लोबल संवाददाता शुक्रबार, माघ १९, २०८०

नुवाकोट । ग्रामीण विकास तथा सशक्तीकरण केन्द्र (रुडेक नेपाल) ले 'पञ्चकन्या जिल्लाव्यापी क्रसकन्ट्री दौड प्रतियोगिता-२०८० मा २५ हजार रुपैयाँ प्रायोजन गर्ने जनाएको छ ।

आयोजक पञ्चकन्या जनकल्याण युवा समाजका कोषाध्यक्ष एवं पञ्चकन्या जिल्लाव्यापी क्रसकन्ट्री दौड प्रतियोगिता संयोजक रामहरि भण्डारीलाई शुक्रबार पत्र लेख्नु हुँदै रुडेकका अध्यक्ष मिनकुमार केसीले पञ्चकन्या पालिकास्तरीय छात्र/छात्रातर्फ ५ वटै पुरस्कारबराबरको रकम प्रायोजन गर्ने जानकारी गराउनुभएको हो । ५ किमिको उक्त दौडमा प्रथम पुरस्कार ११ हजार, द्वितीय ७ हजार, तृतीय ४ हजार, चौथो २ हजार र पाँचौं १ हजार रुपैयाँ रहेको छ ।

प्रतियोगिता आउँदो फागुन ५ गते शनिबार बिहान हुनेछ । सिनियर तर्फ महिला तथा पुरुष खुलामा ११ किमि दौड हुने आयोजकले जनाएको छ । जसमा २२ हजार प्रथम पुरस्कार रहेको छ ।

प्रकाशित मिति: शुक्रबार, माघ १९, २०८० १९:११

प्रतिक्रिया दिनुहोस्