इजरायलमा रहेका पारस घिसिङको छैटौं सेलो गीत 'लेकाली डोल्मो'

मनोरञ्जन-साहित्य

गृहपृष्ठ
मनोरञ्जन-साहित्य

इजरायलमा रहेका पारस घिसिङको छैटौं सेलो गीत 'लेकाली डोल्मो'

ग्लोबल संवाददाता बिहीबार, चैत ८, २०८०

इजरायल । वैदेशिक रोजगारीको सिलसिलामा इजरायल पुगेका गायक पारस घिसिङ तामाङको छैटौं सेलो गीत 'लेकाली डोल्मो' तयार भएको छ ।

नेपाल तामाङ घेदुङ इजरायलका सचिव तथा सांस्कृतिक विभाग प्रमुख घिसिङले विश्व दोङ तामाङको शब्द/संगीतमा नयाँ गीत स्रोता दर्शकमाझ ल्याएका हुन् । लोक सेलो भाकामा रहेको उक्त गीत शुक्रबार चैत ९ गते (२२ मार्च २०२४) नेपाली समय दिउँसो ४ बजे पारस घिसिङ तामाङ युट्युव च्यानलमार्फत सार्वजनिक हुँदैछ ।

पारसको आवाज रहेको गीतको छायांकन बौद्वधर्मावलम्बीहरुको ऐतिहासिक, प्रसिद्व तीर्थस्थल स्वयम्भूसहित काठमाडौंका विभिन्न ठाँउमा गरिएको छ । म्युजिक भिडियोमा विश्व स्याङ्बो तामाङ/एलिसा घिसिङ तामाङलगायतले अभिनय गरेका छन् ।

प्रशान्त तामाङको निर्देशनमा म्युजिक भिडियो तयार भएको हो । गायक पारस झापाली समाज इजरायलका साँकृतिक विभाग प्रमुख लगायत विभिन्न संघ संस्थामा आबद्ध छन् । उनीले यसअघि 'सोल्टीनी मेरी', 'तमोर नदी', 'आफ्नै देशको माया', 'कान्छी आइ लभ यु', 'बेंसी झरौला' जस्ता लोक, आधुनिक गीतहरु सार्वजनिक गरिसकेका छन् ।

प्रकाशित मिति: बिहीबार, चैत ८, २०८० २०:४९

प्रतिक्रिया दिनुहोस्